La Grave - La Meije

de wochn is jo wirkli nu amoi da winta zruck kemman, obwoi ea heia soweso ned wirkli do wor. i heddats ned globd. engstöd wor i a übahaupt nima drof, i wor scho mea of kraxln un so... najo, jez is ma fost a bisal schwa gfoin mi zu motivian. oba i woa don om mitwoch doch nu obn in 7 laux zum powdern, foi geil woas. sicht wor ned so, jez hob i a kane fotos gmocht, najo filächt wor i a so geil ofn pulva dos i ned dron denkt hob.

heid wor i mid ana menge leid (Verena, Karin, Pierre, Erik, Petra, Alex and Hokun) in La Grave. do hobens nua ane gondel und an tellalift, präparian tuans nua a klans pistal nebn am tellalift. auffigean tuats of 3550 - heads so scho amoi gonz guad o.
oba eigentli woan mi ned so wirkli begoastad, wei s do ned gnuag gschneid ghobt hod und scho ois zaspuat woa. jezad wor de easte obfoart tsiemli müsom. don homma scho zuam schimpfn ongfongen - wia teia des is, wia weid wegga vo grenoble, wos dea schne fia a schas is un dos do fü zfü leid son. don homma oba godseidonk nu wos gseng wosn tog im endefekt gret hod. os hod scho zach osgschod un mia hobn ned gwisst wia ma do hi kummt oda obs don ibahaupts god. zum glik worn i un de verena stua (+ motiwiad) gnuag dos mas probiad hom, a one de ondan (wor e bessa a so wei es wor ned lächt). sin hoid au da hintasetn fo unsam projekt auffi un hom ghofft dos ma de richtige schoatn findn domid ma of de ondane setn kemman un dos des ibahaupt forbor is, wei so gonz sicha woan mia uns do ned. najo noch am klan hadscha fo ana hoibn stund oda so (3500m gspiast scho) worma durtn. do homma don e glei gseng dos des scho iagendwia gen wead. beim eastn stickal (traveasn) deafats hoid ned foin, don kummt a foi da stale hong, iba de rondspoitn afn gletscha un do gats don e dohin, nua doafst hoid ned zweid zua de spoitn zuawi. Glacier du Rateau hod des ghassn, fois wen intaresiat. weis so sche wor hommas klorarweis nu a zwoats moi gmocht! desmoi mid da karin undn pierre. wia gsogt, des hod echt an tog gret, sunst warad i scho gschaid entaischt gwesn vo La Grave.

La Grave 2007-03-24